Azərbaycan, Bakı, 11 mart /Trend, müxbir E.İsmayılov/
2010-cu ildə Sumqayıt şəhərində kimyəvi müəssisələrin inkişafına 19 milyon manatdan çox vəsait xərclənib. Bu barədə Azərbaycan hökumətinin ötən ilin yekunları üzrə hesabatında deyilir.
"Vəsaitlər genişmiqyaslı təmirə, binaların, avadanlığın yenilənməsinə xərclənib, eləcə də bəzi istehsal yerlərinin yenidən qurulması üzrə işlər aparılıb", - hesabatda deyilir.
Neft emalı və qaz emalı zavodlarından maye qazın və qaz benzininni tədarükü sayəsində etilen-propilen istehsal edən EP-300 qurğusunun xammal bazası genişləndirilib. Bunun nəticəsində ilin ikinci yarısında etilen və propilenin illik istehsalı 1,6 faiz artıb, onların istehsalı üçün lazım olan naftanın sərfiyyatı azalıb.
2010-cu ilin yekunları üzrə ixrac edilən kimyəvi məhsulların dəyəri 116,6 milyon dollar təşkil edib. Bu göstərici 2009-cu ildə 74,1 milyon dollar olub.
Ötən il ARDNŞ-nin "Azərikimya" İstehsalat Birliyinin müəssisələrində məhsul istehsalının artımı 11,5 faiz təşkil edib.
