Azərbaycan, Bakı, 1 aprel /Trend, müxbir E.İsmayılov/
İlin sonunadək ARDNŞ Gürcüstandakı yanacaqdoldurma məntəqələrinin sayını 100-ə çatdıracaq. Bu barədə cümə günü Trend-ə ARDNŞ-nin Gürcüstandakı törəmə şirkəti "SOCAR Energy Georgia"dakı mənbə deyib.
"Bu il yanacaqdoldurma məntəqələrinin sayı 100-ə çatdırılacaq. Hazırda onların sayı 67-dir", - mənbə bildirib.
Onun sözlərinə görə, artıq bir sıra yanacaqdoldurma məntəqələrinin tikintisinə başlanıb və yeni məntəqələrin çoxunun açılışı ilin ikinci yarısında olacaq.
"SOCAR Energy Georgia"nın həmtəsisçiləri: ARDNŞ - 51 faiz, Petro-Trans FZCO - 24,5 faiz və İvan Çxartişvili - 24,5 faiz.
Hazırda ARDNŞ Bakıda 6 YDM-ə malikdir, lakin perspektivdə onların sayının 26 və ya 30-dək çatdırılması planlaşdırılır. Tədricən şirkət Ukraynada YDM açır, eləcə də Rumıniyada yanacaqdoldurma məntəqələrinin açılması üzrə işlər aparır.
