...

"Azəri-Çıraq-Günəşli" yataqlar blokunda irimiqyaslı profilaktik işlərə başlanılıb

Energetika Materials 11 İyul 2011 18:03 (UTC +04:00)

Trend-i buradan izləyin

Azərbaycan, Bakı, 11 iyul /Trend, müxbir S.Əliyev/

Bu gün "Azəri-Çıraq-Günəşli" yataqlar blokunun işlənməsi layihəsinin operatoru olan BP şirkəti quyularda geoloji-texniki tədbirlərin aparılması üçün "Çıraq" platformasından hasilatı tamamilə dayandırıb. Bu barədə bazar ertəsi Trend-ə neft-qaz bazarındakı mənbə deyib. Hasilat dayandırılanadək onun həcmi sutkada 90 min barelə yaxın təşkil edib.

Mənbənin sözlərinə görə, profilaktik işlər iki həftə ərzində aparılacaq. Onlar quyularda tədqiqatların aparılması və platformadakı avadanlıqların dəyişdirilməsi üçün nəzərdə tutulub.

"Çıraq" platformasında işlər başa çatdıqdan sonra analoji işlər "Azəri" yatağında quraşdırılan platformalarda (4 platforma) aparılacaq. Bu işlər də iki həftə davam edəcək.

Bu uzunmüddətli dayanmalar, eləcə də quyularda bu il ərzində aparılacaq təmir işləri nəticəsində Azərbaycanda neft hasilatının proqnozlaşdırılan 52 milyon tona yaxın ümumi həcminin təxminən 4 milyon ton azalacağı ehtimal olunur.

"Azəri-Çıraq-Günəşli" yataqlar blokunda hasilatın pay bölgüsü barədə saziş 1994-cü ildə imzalanıb. Layihənin iştirakçıları aşağıdakılardır: BP (operator - 35,83 faiz iştirak payı), "Chevron" (11,27 faiz), AzACG (11,6 faiz), INPEX (10,96 faiz), "Statoil" (8,56 faiz), "Exxon" (8 faiz), TPAO (6,75 faiz), "Itochu" (4,3 faiz), "Hess" (2,72 faiz).

Xəbər lenti

Xəbər lenti