Azərbaycan, Bakı, 17 fevral / Trend müxbir E.İsmayılov/
Cari təmir işlərinin aparılması ilə əlaqədar bu gün saat 10:00-dan 18:00-dək Qax, Zaqatala və Balakən rayonlarına mavi yanacağın verilişində fasilələr yaranacaq. Trend-in məlumatına görə, bu barədə ARDNŞ-nin (Azərbaycan Respublikası Dövlət Neft Şirkəti) yaydığı məlumatda deyilir.
Məlumatda bildirilir ki, həmin rayonlara qazın verilməsində fasilələr "Yevlax-Balakən" magistral qaz kəmərində təmir işlərinin aparılması ilə əlaqədardır.