Azərbaycan, Bakı, 13 mart /Trend, müxbir E.İsmayılov/
Türkiyənin İran neftindən asılılığı digər Avropa ölkələrinə nisbətən xeyli böyükdür, buna görə də Türkiyə İran neftindən imtina etmək fikrində deyil. Bunu çərşənbə axşamı Türkiyənin energetika və təbii resurslar naziri Taner Yıldız Küveytə rəsmi səfəri zamanı jurnalistlərə deyib. Bu barədə Trend "Anadolu" agentliyinə istinadən xəbər verir.
"Bizim İranla çox yaxşı münasibətlərimiz mövcuddur və çoxlu birgə layihələrimiz var. Habelə, bu əməkdaşlığın başqa layihələr üzrə genişləndirilməsi planları mövcuddur", - Yıldız bildirib.
Onun sözlərinə görə, Türkiyə İrandan, eləcə də digər 11 ölkədən neft alışını davam etdirir. Habelə, Türkiyə beş ölkədən qaz alır.