Azərbaycan, Bakı, 3 iyul /Trend, müxbir A. Bədəlova/
Trans Adriatik boru kəməri (TAP) üzrə konsorsium və Yunanıstanın milli qaz nəqli sisteminin operatoru olan DESFA şirkəti arasında əməkdaşlığa dair saziş imzalanıb.
Trend-in məlumatına görə, bu barədə çərşənbə günü TAP-ın yaydığı məlumatda deyilir.
Məlumata görə, tərəflər xüsusilə boru kəmərinin Yunanıstan ərazisindən keçən sahəsində gündəlik texniki fəaliyyət və TAP-ın istismara verilməsinə dair saziş bağlamaq niyyətindədirlər.
Birgə fəaliyyət, həmçinin gələcəkdə tədarüklərin təhlükəsizliyini artırmaq və texniki əməkdaşlıq məqsədilə DESFA-nın boru kəmərinə qoşulma nöqtələrinin öyrənilməsindən ibarət olacaq.