Azərbaycan, Bakı, 2 dekabr /Trend, müxbir E.İsmayılov/
Cənubi Qafqazda öz sahəsində ən iri hesab edilən Azərbaycan İstilik Elektrik Stansiyasının (İES) payız-qış mövsümünə hazılıq prosesi başa çatıb. Trend-in xəbərinə görə, bu barədə bazar ertəsi "Azərenerji" ASC-nin yaydığı məlumatda deyilir.
Məlumata görə, enerji bloklarında təmir və profilaktik işlərin görülməsi ilə yanaşı, stansiyanın avadanlıqları mazut ehtiyatları və kimyəvi reagentlərlə təmin edilib.
Azərbaycan İES yanvar-oktyabr aylarında 6,2 milyard kilovat/satdan çox elektrik enerjisi istehsal edib. İES oktyabrda 565,4 milyon kilovat/saat elektrik enerjisi istehsal edib.
Azərbaycan İES-in gücü 2,4 min meqavat təşkil edir.