Azərbaycan, Bakı, 17 yanvar /Trend, müxbir E.İsmayılov/
2013-cü ildə Azərbaycanda 43,1 milyon ton neft və qaz-kondensat hasil edilib. Trend-in cümə günü Dövlət Statistika Komitəsinə istinadən verdiyi məlumata görə, bu göstərici 2012-ci ildə 42,98 milyon ton olub.
Ötən il neft hasilatının əsas həcmi "Azəri-Çıraq-Günəşli" neft-qaz yataqlar blokunun və xarici tərəfdaşlarla birlikdə işlənən "Şahdəniz" qaz-kondensat yatağının payına düşüb.
2013-ci ildə qaz hasilatı 17,9 milyard kubmetr əmtəə qazı təşkil edib, 2012-ci ildə bu rəqəm 17,24 milyard kubmetr olub.
