Azərbaycan, Bakı, 30 yanvar /Trend, müxbir E.İsmayılov/
"Bakıelektrikşəbəkə" ASC 2013-cü ildə "Azərenerji" ASC-dən təqribən 8,86 milyard kilovat-saata yaxın elektrik enerjisi alıb. 2012-ci ildə bu rəqəm 8,55 milyard kilovat-saat olub. Bu barədə Trend-ə "Bakıelektrikşəbəkə"dən məlumat veriblər.
2011-ci ildə "Bakıelektrikşəbəkə" təqribən 8,21 milyard kilovat-saat elektrik enerjisi əldə edib. 2010-cu ildə bu göstərici 7,92 milyard kilovat-saat olub.
ASC ötən il "Azərenerji"nin tədarük etdiyi elektrik enerjisinə görə orta hesabla 93,6 faiz ödəniş edib ki, bu da 2012-ci ilin göstəricisi ilə eynidir.
