...

Bakı dəniz limanı yanvar-aprel aylarında neft yüklərinin daşınmasını 10 faizdən çox azaldıb

Energetika Materials 27 May 2014 13:22 (UTC +04:00)

Trend-i buradan izləyin

Azərbaycan, Bakı, 27 may /Trend, müxbir E.İsmayılov/

Bakı Beynəlxalq Dəniz Ticarət Limanı vasitəsilə cari ilin yanvar-aprel aylarında 390 min ton neft yükləri daşınıb ki, bu da ötən ilin eyni dövrü ilə müqayisədə 11 faiz azdır. Bunu Trend-ə limandakı mənbə deyib.

Mənbə bildirib: "Neft yüklərinin daşınmasında azalma müşahidə olunur. Yanvar-aprel aylarında neft və neft məhsullarının daşınması həcmlərinin azalma səviyyəsi 11 faiz təşkil edib".

2013-cü ildə Bakı beynəlxalq dəniz ticarət limanı 1,41 milyon tondan artıq neft yükləri daşıyıb ki, bu da 2012-ci ilin göstəricisindən bir faiz çoxdur.

2012-ci ildə liman 2011-ci ildəki 1,74 milyon tona qarşı 1,4 milyon ton neft yükləri daşıyıb.

Məqalədə:
Xəbər lenti

Xəbər lenti