Bakı. Trend:
"Azneft" İstehsalat Birliyində "Azərbaycan Respublikası Dövlət Neft Şirkətinin 2016-cı il üçün mülki müdafiə tədbirləri planı"na müvafiq olaraq, SOCAR-ın idarə və müəssisələri nümayəndələrinin iştirakı ilə növbəti metodiki iclas keçirilib.
Trend SOCAR-ın saytına istinadən məlumat verir ki, iclasda il ərzində nəzərdə tutulan tədbirlər planı müzakirə olunub, yerinə yetiriləcək mülki müdafiə üzrə xəbərdarlıq və toplanış məşqləri, eləcə də 1 mart Mülkü Müdafiə günü ilə bağlı həyata keçiriləcək tədbirlər ətrafında geniş fikir mübadiləsi aparılıb. Qaldırılan məsələlər barədə ətraflı məlumat verilmiş, bu sahədə maarifləndirmə və təbliğat işinin əhəmiyyəti vurğulanıb. SOCAR-ın struktur vahidlərinin mülki müdafiə şöbə və qərargah rəisləri qarşısıda duran məsələlərdən danışıb, fövqəladə vəziyyəti yaradan səbəblərin aradan qaldırılması haqqında çıxışlar etmiş, iştirakçıları maraqlandıran sualları cavablandırıblar.
