...

Baş katib: Azərbaycan Qaz İxrac edən Ölkələr Forumunun tamhüquqlu üzvü ola bilər

Energetika Materials 11 Yanvar 2018 10:12 (UTC +04:00)
Azərbaycan, İraq və Qazaxıstanın Qaz İxrac edən Ölkələr Forumuna (GECF) tamhüquqlu üzv olmaq üçün yaxşı şansları var.
Baş katib: Azərbaycan Qaz İxrac edən Ölkələr Forumunun tamhüquqlu üzvü ola bilər

Bakı. Azad Həsənli - Trend:

Azərbaycan, İraq və Qazaxıstanın Qaz İxrac edən Ölkələr Forumuna (GECF) tamhüquqlu üzv olmaq üçün yaxşı şansları var.

Trend-in məlumatına görə, bunu "Nefteqazovaya vertikal" jurnalına müsahibəsində Forumun baş katibi Yuri Sentyurin deyib.

O qeyd edib ki, hazırda müşahidəçi statusuna malik ölkələrlə iş aparmaq planlaşdırılır: "Ümid edirəm ki, onları təşkilatdakı iştirak səviyyələrini yüksəltməyə razı salacağıq".

Qeyd edək ki, GECF-ə 12 qaz ixracatçısı ölkəsi daxildir: Əlcəzair, Boliviya, Misir, Ekvatorial Qvineya, İran, Liviya, Nigeriya, Qətər, Rusiya, Trinidad və Tobaqo, Venesuela və Birləşmiş Ərəb Əmirlikləri. Azərbaycan (2015-ci ilin noyabrından), Qazaxıstan, Niderland, Norveç, İraq, Oman və Peru isə Forumda müşahidəçi ölkələrdir.

Məqalədə:
Xəbər lenti

Xəbər lenti