Bakı. Ləman Zeynalova - Trend:
Azərbaycan Dövlət Neft Şirkətinin (SOCAR) törəmə müəssisəsi "SOCAR New Energy" iyun ayında Ukraynaya "Rosneft" istehsalı olan 78,3 min ton dizel yanacağı idxal edib.
Trend bu barədə Ukrayna KİV-lərinə istinadən məlumat verir.
Həmin həcmin 23,4 min tonu "SOCAR Energy Ukraine" şirkətinin ünvanına idxal olunub. 17,7 min yanacaq "Bel Petrol Treydinq", 16,3 min ton "BRSM-Nafta" şirkətlərinə tədarük edilib.
Qeyd edək ki, SOCAR Ukraynadakı fəaliyyətini 2009-cu ilin dekabrında yaradılmış "SOCAR Energy Ukraine" şirkəti vasitəsilə həyata keçirir.
(Tərcümə: Orxan Nəbiyev)