"Bakqaz" İB (Azəriqaz QSC-nin strukturu) istixana mövsümündə təbii qazın tədarükü üçün istixana təsərrüfatı sahibləri ilə yeni sazişlər bağlayır. Bu barədə Trend ə İB-də bildirilib.
"Bakqaz" artıq 3500 istixana təsərrüfatı sahiblərinin 50%-i ilə saziş bağlayıb. Adıçəkilən tədbirlər yeni təsərrüfatlarla da bağlı olaraq aparılır. Qazın tədarükü saziş imzalandıqdan sonra həyata keçiriləcək.
Ötən il imzalanmış müqavilələr çərçivəsində İB sahibkarların evlərində və istixana təsrrüfatında 7 mindən çox sayğac quraşdırıb. Bu, həmin obyektlərdən 1,5 mlrd. manatdan çox vəsait toplamağa imkan verib ki, bu da tədarük olunan qazın dəyərinin 95%-ni təşkil edir. Bu, ötən illərlə müqayisədə 10 dəfə çoxdur.Cari ildə bu rəqəmin 100%-dək artırılması planlaşdırılır.
