Azərbaycan və "Qazprom" Açıq Səhmdar Cəmiyyəti (ASC) bu həftə Bakıda tam razılığa gələrək 2006-cı ildə qaz "alqı-satqısı" barədə razılaşma imzalayıblar. "QazpromK ASC-nin baş ofisinin rəsmi nümayəndəsinin Trend ə verdiyi məlumata görə, 2006-cı ildə ölkəyə nəql olunan Orta Asiya qazının 1 min kubmetri $110 təşkil edəcək.
"Biz güman edirik ki, 2006-cı ildə Azərbaycana 2005-ci ildə olduğu kimi analoji həcmdə qaz nəql edəcəyik", - deyə "Qazprom"un nümayəndəsi bildirib. 2005-ci ildə Azərbaycan 1 min kubmetri $60 qiymətlə 4,5 milyard kubmetr qaz idxal edib.
Azərbaycanın qaza olan daxili tələbatı ildə 9,5-10 mlrd kub təhkid edir.Ölkənin yanacaq-energetika balansında qazın payı 45%-ə yaxındır. Son illərdə Azərbaycaneda qaz hasilatı 5,5 mlrd kubmetrə yaxın olub. Ölkədə hasil olunan qazın 40% -ə qədəri "Bahar" yatağının hesabına çıxarılır. 2006-cı ildə Azərbaycanda "Şahdəniz" yatağının işə salınması ilə əlaqədar hasil olunacaq qazın həcmini artırmağı planlaşdırır.
2004-cü il yanvarın 1-dən "Qazprom" Azərbaycana qaz nəql etməyə başlayıb. 2003-cü ilin dekabrında "Qazeksport" MMM və ARDNŞ arasında təbii qazın alqı-satqısı üzrə uzunmüddətli beşillik müqavilə imzalanıb və bu müqavilə 2004-cü il yanvarın 1-dən qüvvəyə minib və 2008-ci il dekabrın 31-nə kimi qüvvədə qalacaq. Müqaviləyə görə, Azərbaycana ildə 4,5 mlrd kubmetr qaz tədarük olunacaq.
2006-cı ildə "Qazprom" Cənubi Qafqaz ölkələrinə vahid qiymətə - 1 min kubmetri $110 qaz satışına başlayacaq. Qeyd edək ki, 2006-cı ildə "Qazprom" praktiki olaraq Gürcüstana nəql olunan qazın həcmini 2 dəfə - 2005-ci ildəki 1,3 milyard kubmetrə qarşı 2,25 mlrd kubmetrə qədər artırıb.
