2006-cı ildə ilk dəfə Dövlət Neft Fondunun xərcləri gəlirləri üstələyir və büdcə defisitinin təxminən $200 mln. səviyyəsində olacağı proqnozlaşdırılır. Trend in məlumatına görə, bu barədə ARDNF-nun rəhbəri Samir Şərifov mətbuat konfransında bildirib. Xərclərin artması dövlət başçısının iqtisadi siyasət sahəsində yürütdüyü kursla əlaqədar iqtisadiyyatın dinamik inkişafı ilə bağlıdır. Bununla əlaqədar, Dövlət Neft Fondunun vəsaitləri ölkə üçün prioritet olan infrastruktur layihələrin rekonstruksiyasına yönəlib.
Bu il ARDNF-dan dövlət büdcəsinə transfertlərin həcmi 585 mln. AZN həcmində proqnozlaşdırılır ki, həmin vəsaitdən artıq yanvar ayında 48 mln. AZN qrafikə uyğun olaraq xəzinəyə köçürülüb. Bununla yanaşı, ARDNF-nun büdcəsindən ümumi büdcənin tərkib hissəsi kimi məcburi köçkünlərin sosial-məişət şəraitinin yaxşılaşdırılması üzrə tədbirlərin maliyyələşdirilməsi üçün 110,2 mln. AZN ayriılacaq. Eləcə də Oğuz-Qəbələ-Bakı su kanalının yenidən qurulması üçün 90 mln. AZN, Taxtakörpü su anbarının tikintisi üçün (Samur-Abşeron kanalının bir hissəsi) 37 mln. AZN, BTC layithəsinin tikintisinin başa çatdırılması üçün 37 mln. AZN, Dövlət İnvestisiya Şirkətinin nizamnamə kapitalının formalaşması üçün 90 mln. AZN ayrılıb.
Bununla yanaşı, S.Şərifov neftin qiymətlərinin dövlət büdcəsində proqnozlaşdırılandan ( 1 barel neft üçün $40 ) yüksək olacağı ilə əlaqədar ilin kəsirsiz başa çatacını gözləyir. "Dövlət büdcəsi haqqında - 2006" Qanun ilə müəyyfən olunan mexanizmə görə. əlavə daxilolmalardan 50% (neftin qiymətinin $40-dan $50-dək olduğu halda) və neftin qiymətinin $50 artıq olduğu zaman 75% ARDNF-na verilir. Bununla əlaqədar, Fondun büdcəsinin kəsirsiz icra olunacağının mümkünlüyü istisna edilmir.
