Avropa ölkələrinə ixrac olunmaq üçün Azərbaycan qazı kifayət edir. Bu barədə Trend ə Azərbaycanın Yunanıstandakı səfiri Temistokles Dimidis Xəzər regionundakı təbii qazın Türkiyə-Yunanıstan qəz kəməri vasitəsilə Avropaya ixracının mümkünlüyünü şərh edərkən eksklüziv məlumat verib.
Onun sözlərinə görə, Türkiyə və Yunanıstanın qaz kəmərlərini birləşdirən qaz xətti çəkilişinin 2007-ci ildə başa çatması nəzərdə tutlub.
Xatırladaq ki, 2006-cı ilin yanvarında keçirilən Avropa Komsissiyasının iclasında Avropaya təbii qazın tədarükü üçün alternativ marşrut kimi "Nabukko" layihəsinin reallaşdırılmasının zəruriliyi qeyd edilib.
Əsas diqqət AB-nin Rusiyadan enerji asılılığını azaltmağa imkan verən Ərzurumdan (Türkiyə) Balkanlara qaz kəmərinin tikintisinin başa çatdırılmasının zəruriliyinə ayrılıb. Daha sonra qaz kəməri Rumıniya və Macarıstandan keçməklə Avstriyaya qədər uzadılacaq.
"Nabukko" qaz kəməri Avropaya təkcə Azərbaycandan deyil, eləcə də İran, Qazaxıstan, Türkmənistan, Misir və Suriyadan qaz tədarükünü nəzərdə tutur.