2006-cı ilin I rübündə Azərbaycan Dövlət Neft Şirkəti (müştərək müəssisələr və əməliyyat şirkətləri istisna olmaqla) tərəfindən 25092 metr qazılıb. Bu göstərici 2005-ci ilin I rübündə 37329 metr təşkil edib. Bu barədə Trend ə ARDNŞ-dən bildirilib. Qazma işlərinin ümumi həcmindən 24842 metr istismar (37095 metrə qarşı), 250 metr isə kəşfiyyat quyularının (234 metrə qarşı) payına düşür.
Bu ilin martında ARDNŞ (müştərək müəssisələr və əməliyyat şirkətləri istisna olmaqla) 6585 metr qazıb ki, bu da plandan 3251 metr azdır.
Kəşfiyyat quyularının qazılması isə həyata keçirilməyib.
2006-cı il üçün qazma Planına əsasən, ARDNŞ təxminən 132 min metr qazmağı planlaşdırır. Bu, 2005-ci il üçün qazmanın ümumi həcminə bərabərdir. Ancaq isismar quyularının qazılmasının davam etdirilməsinə baxmayaraq, neft hasilatında artım gözlənilmir. Hazırda ARDNŞ səylərini hasilatın mövcud həcminin saxlanılmasına yönəldib.