Qazaxıstan tərəfi əlavə və dəyişikliklər etdiyi Bakı-Tiflis-Ceyhan boru kəməri ilə neftin nəqlinə dair hökumətlərarası sazişin layihəsini Azərbaycana təqdim edib.
Trend in xəbər verdiyi kimi, bu barədə Azərbaycan Dövlət Neft Şirkətinin yüksək vəzifəli nümayəndəsi bildirib.
Layihə baxılmaq və Qazaxıstanın təklif və dəyişiklikləri ilə tanış olmaq üçün Azərbaycanın nazirlik və idarələrinə təqdim olunacaq. "Bundan sonra ümumi görüş keçiriləcək və burada Azərbaycan tərəfinin təklifləri nəzərdən keçiriləcək", - deyə o bildirib.
Qazaxıstan neftinin nəqlinə dair saziş Xəzərin bu ölkə sektorunda işləyən 4 BTC iştirakçısı üçün lazımdır. Bu layihə çərçivəsində 2010-cu ildən tez olmayaraq Aktau-Bakı marşrutu ilə sutkada 500 min barel neftin nəqli gözlənilir. Qazaxıstan ərazisində Kurık kəndinədək bork kəmərinin çəkiməsi, sutkada 750 min barel neft daşıma qabiliyyətinə malik terminal və neft donanmasının inşası planlaşdırılır.
