Azərbaycan Dövlət Neft Şirkətinin neft və qaz hasilatı üzrə "Azneft" İB "Qərbi Abşeron" strukturunun cənub hissəsindəki yeni nöqtədə ilk quyunun qazılmasına başlayıb. Bu barədə Trend ə ARDNŞ-dən məlumat verilib. Quyunun layihə dərinliyi 800 metr təşkil edəcək.
Yeni qazma nöqtəsi əvvəlkindən 800 metr aralıda yerləşəcək.
Quyuların qazılması "Xəzər-4" qazma qurğusundan həyata keçirilir. Cəmi 5 öncəqazma quyusunun qazılması planlaşdırılır. Qazma işləri başa çatdıqdan sonra quyular platformadan növbəti hasilat üçün konservasiya ediləcək.
ARDNŞ-dən hesab olunur ki, açıq yataq işlənmək üçün səmərəlidir. Bu onunla izah olunur ki, yataq sahilin, o cümlədən neftin daşınması üzrə mövcud kommunikasiyaların yaxınlığında yerləşir. Hazırda yatağın bu hissəsində ehtiyatların kontura alınması və qiymətləndirilməsi həyata keçirilir. Quyuların dərinliyi 800 -1000 metr təşkil edir.
ARDNŞ "Qərbi Abşeron" yatağının cənub hissəsində hasilat platforması qurmaq niyyətindədir. Platforma sahildən 40-50 km aralıda yerləşəcək. Mütəxəssislərin qiymətləndirmələrinə görə, yataqda təxminən 1,5 mln ton çıxarıla bilən şərti yanacaq ehtiyatı var.