...

BTC kəməri 40 ildən çox təhlükəsiz və səmərəli şəkildə işləyəcək

Energetika Materials 14 Avqust 2006 15:58 (UTC +04:00)

Trend-i buradan izləyin

Bakı-Tbilisi-Ceyhan ixrac kəmərinin tikinti layihəsinin operatoru BP şirkətinin tətbiq etdiyi yüksək standartlar, həmçinin bu layihənin tikinti və dizaynında tətbiq edilən müasir texnologiyalar bu boru kəmərinin 40 ildən çox təhlükəsiz və səmərəli şəkildə işləyəcəyi barədə tam əminliklə danışmağa imkan verir. Bu barədə Trend ə BP Azerbaijan şirkətindən xəbər verilib. Bu boru kəməri həm daxildən, həm də xaricdən korroziyadan müdafiə olunub. Bundan başqa, onun tikintisi zamanı ekoloji təhlükəsizlik üzrə ən yüksək standartlardan istifadə olunub.

Şirkət bu bəyanatı Platform beynəlxalq ekologiya təşkilatının bəyanatına cavab olaraq verib. Platform hesab edir ki, 2006-cı ilin may ayında işə salınmış Bakı-Tbilisi-Ceyhan neft kəmərinin borularını korroziya gözləyir və bu, Gürcüstan, Azərbaycan və Türkiyədə ekoloji fəlakətə səbəb ola bilər.

Platform təşkilatının əməkdaşı Mika Mino Paluellonun bildirdiyi kimi, BP Qafqazda neft kəməri tikən zaman Alyaskadakına nisbətən (burada şirkətin yataqlarından birində hasilat dayandırılıb), ekologiyanın qorunması şərtləri üçün daha az narahatlıq keçirib. Nəticədə indi Alyaska hadisələrinin artıq Gürcüstan ərazisində təkrarlanacağı təhlükəsi var. Platform ekspertləri hesab edirlər ki, nadir təbiət qoruqları da daxil olmaqla, transqafqaz neft kəmərinin keçdiyi rayonlar neftlə çirklənmə təhlükəsi altındadır.

Xəbər lenti

Xəbər lenti