...

ARDNŞ və Caspian Geophysical ilk dəfə Azərbaycanın böyük yatağında seysmik kəşfiyyat tədqiqatları aparacaq

Energetika Materials 25 Oktyabr 2006 14:32 (UTC +04:00)

Trend-i buradan izləyin

Azərbaycan Dövlət Neft Şirkətinin (ARDNŞ) neft və qaz hasilatı üzrə "Azneft" İstehsalat birliyi (İB) noyabr-dekabr aylarında "Günəşli" yatağının dayaz sulu hissəsində üç ölçülü (3D) seysmik kəşfiyyat aparmaq niyyətindədir. Şirkət burada öz vəsaitləri hesabına karbohidrogen hasil edir.

ARDNŞ-in yüksək vəzifəli nümayəndəsinin Trend ə verdiyi xəbərə görə, işlər Caspian Geophysical və ARDNŞ-in "Geologiya və Geofizika" İdarəsi ilə birgə görüləcək.

"Günəşli" yatağının dayaz sulu hissəsinin şimalında quyu qazılarkən, neft ehtiyatları aşkar olunub, lakin su ilə təmas həddi hələ müəyyənləşdirilməyib. Tədqiqatların aparılması yataqda yeni neft və qaz olan obyektlərin qazıntısını davam etdirmək üçün labüddür.

ARDNŞ nümayəndəsi istisna etməyib ki, Hollandiyanın Fugro şirkətinə məxsus Markab gəmisi də bu işlərə cəlb oluna bilər.

ARDNŞ həmçinin "Bulla", "Bahar" və s. yataqlarda seysmik tədqiqatlar aparmaq niyyətindədir. Bu işlərin görülməsi yataqların işlənib hazırlanmasını, perspektiv qazıntı nöqtələrinin və s. müəyyənləşdirilməsi üçün vacibdir.

Caspian Geophysical 1994-cü ildə ARDNŞ tərəfindən təsis olunub. O, "Azəri-Çıraq-Günəşli", "Şahdəniz", "Qarabağ", "Əşrəfi" və s. yataqlarda seysmik işlər görüb. Bu işlər zamanı "Bakı" və "Gilavar" gəmilərindən istifadə olunub.

Xəbər lenti

Xəbər lenti