Rusiya tərəfi Azərbaycana elektrik enerjisi tədarükü üçün həcm və tariflər üzrə danışıqlarda öz iştirakını təsdiq edib. Danışıqların növbəti raundu dekabrın 25-də Bakıda keçiriləcək. Bu barədə Trend ə "Azərenerji" səhmdar cəmiyyətinin vitse-prezidenti Marlen Əsgərov məlumat verib.
Bu ilin sonunadən elektrik enerjisinin tədarük şərtləri dəyişməz qalacaq. Əvvəl Rusiya ilə danışıqlar zamanı Rusiyadan elektrik enerjisinin idxalının azaldılması və ya tam dayandırılması və tariflərin yüksəldilməsi məsələsi müzakirə olunub.
"Azərenerji" SC-nin prezidenti Etibar Pirverdiyevin əvvəl qeyd etdiyi kimi, 2007-ci ildə Azərbaycan Rusiyadan 700 mln. kVt/s elektrik enerjisi almaq niyyətindədir. Rusiya tərəfi bildirib ki, bu il Azərbaycana elektrik enerjisi tədarüklərini xeyli azaldacaq. Əgər əvvəl qışda gecə saatlarında elektrik enerjisinin tədarük gücü təxminən 300 MVt təşkil edirdisə, o zaman gələn il bu göstərici 60 MVt-ı ötməyəcək. Əgər Rusiya tərəfi hər ay 100 kVt/s elektrik enerjisi tədarük edirdisə, o zaman gələn il bu həcm ayda 30 kVt/s-a qədər azalacaq.
Bundan başqa, Rusiya tədarük olunan 1 kVt/s elektrik enerjisinin tarifinin 4,1 sentə qədər yüksəldilməsi haqqında müraciətlə çıxış edib. Bu ilin sonunadək Azərbaycan Rusiyaya gecə saatlarında 350 mln. kVt/s həcmində elektrik enerjisinin 1 kVt/saatını 1,6 sentə satacaq. Öz növbəsində Rusiya tərəfi Azərbaycana gündüz saatlarında 1 kVt/saatının qiyməti 3,636 sent olan 1 mlrd. kVt/s elektrik enerjisi tədarük edəcək.