2007-ci ildə beynəlxalq maliyyə institutları ilə birgə reallaşdırılması nəzərdə tutulan layihələrin ümumi qiyməti 1 mlrd. ABŞ dollarından çox təşkil edəcək. Trend xəbər verir ki, bu barədə bu gün 2004-2008-ci illərdə bölgələrin sosial-iqtisadi inkişafı üzrə dövlət proqramına həsr olunmuş konfrans zamanı iqtisadi inkişaf naziri Heydər Babayev məlumat verib.
Bu layihələrə Dünya bankının kreditləri hesabına reallaşdırılan layihələr daxildir: 42 mln. ABŞ dolları məbləğində irriqasiya və drenaj sisteminin yaxşılaşdırılması, elektrik enerjisi sisteminin təkmilləşdirilməsi - 55 mln. ABŞ dolları, aqrar sektorda - 15 mln. ABŞ dolları, qaçqınlara yardım üzrə - 11,5 mln. ABŞ dolları.
Asiya inkişaf bankının vəsaitləri hesabına 39,9 mln. ABŞ dolları məbləğində
Ağdaş, Göyçay, Naxçıvan şəhərlərində kanalizasiya sisteminin yenidən qurulması proqramı reallaşdırılacaq, İslam inkişaf bankı Taxtakörpü-Vəlvələçay kanalının yenidən qurulmasına 22 mln. ABŞ dolları ayırıb.