Azərbaycan, Bakı/müxbir Trend S.Əliyev/ Azərbaycan Dövlət Neft Şirkəti Geofizika və Geologiya İdarəsi balansında olan gəmilərin istifadə edilməsi üzrə sifarişlərin yerləşdirilməsi işini aparır. Onlar həm Azərbaycan, həm də digər Xəzəryanı dövlətlər tərəfindən işlərə cəlb oluna bilər. Bu barədə bu gün idarədən məlumat verilib.
Hazırda bu gəmilərin təchiz edilməsi işi hazırlanır. Bu iş bu il tamamlanmalıdır. Bütün müasirləşdirmə və təchizat prosedurlarının başa çatmasından sonra gəmilər sifarişlərin yerinə yetirilməsi üçün təqdim oluna bilər. Hazırda bu gəmilərin istifadəsində Xəzərdə sifarişlə işləyən bir sıra xarici şirkətlərin marağı var. Gəmilər həmçinin bir sıra geotexniki və geofiziki işlərinn yerinə yetirilməsi tenderlərində iştirak edən Fugro şirkəti tərəfindən də istifaəd oluna bilər. Bununla yanaşı, bu gəmilər BP Azerbaijan şirkətinin Xəzərin Azərbaycan sahəsindəki sifarişlərinin yerinə yetirilməsində də istifadə oluna bilər.
Hazırda istehsalat birliyinin balansında üç gəmi - "Geofizik-1", "Geofizik-2" və "Geofizik-3", həmçinin "Bakı" gəmisi var. "Geofizik-1" və "Geofizik-2" gəmiləri müasirləşdirilib. "Bakı" gəmisi Hind okeanında Caspian Geophisical şirkəti tərəfindən istifadə olunub və 2004-cü ildə geri qaytarılıb.
