Azərbaycan, Bakı/ Trend , müxbir S.Babayeva/ Azərbaycanın Smart Systems Technology rabitə şirkəti noyabr ayına Kapital Bank və onun regionlardakı filialları arasında məlumatların ötürülməsi üçün "data transfer" korporativ şəbəkəsinin yaradılması prosesini başa çatdıracaq. Bu barədə çərşənbə günü şirkətdən məlumat verilib.Şəbəkə bankın Sumqayıt, Gəncə, Şəki, Şamaxı, Mingəçevir, Lənkəran, Xaçmaz, Sabirabad, Yevlax, Xırdalan, Dəvəçi, Siyəzən, Qazax, Astara, Quba filialları arasında yaradılacaq. 10 gün ərzində bütün şəbəkənin istismara verilməsi planlaşdırılır. 1999-cu ilin noyabr ayında yaradılan Smart System Technology şirkəti Oracle korporasiyasının rəsmi tərəfdaşıdır.
...