Bakı.Trend:
Türkiyənin tamamilə süni intellektin köməyi ilə çəkilmiş ilk serialı işıq üzü görüb.
“Amazon Prime” onlayn platforması iki 15 dəqiqəlik bölümdən ibarət “Qala divarları” (“Castle walls”) serialını təqdim edib.
Serialın hadisələri müasir İran ərazisində yerləşən Əlamut qalasında cərəyan edir. Ekran işində real aktyorlar rol alıb, müxtəlif dillərdə səsləndirməni isə peşəkar aktyorlar həyata keçiriblər.
Layihənin ssenarisini daha əvvəl “El Turco” serialı üzərində çalışmış Kerem Deren və Çisil Hazal yazıblar. “Ay Yapım” prodüser şirkəti bildirib ki, serialın hazırlanması prosesinə “operativ təkmilləşdirmə və yaradıcı işlənmə” məqsədilə ChatGPT çat-botları, “vizual araşdırma və ilham” üçün isə “MidJourney” cəlb olunub. Bundan əlavə, müəlliflər “Runway”, “Google Nano Banana”, “Veo”, “Kling”, “ComfyUI” və “Topaz” botlarından da istifadə ediblər.
