Azərbaycan, Bakı / Trend müxbir S.Babayeva/ Azərbaycanın Dövlət Statistika Komitəsinin məlumatında bildirilir ki, yanvar-noyabr ayları ərzində Azərbaycanda təşkilatlara və əhaliyə 638, 7 mln. manat həcmində rabitə xidmətləri göstərilib və bu göstərici 2006-cı ilin eyni dövrü ilə müqayisədə 22,9% çoxdur.
Ümumi xidmətlərin 74,3%-i əhalinin payına düşüb. Bu arada əldə olunan gəlirlərin 70,5%-i mobil rabitə xidmətlərinin payına düşüb və bu sahədə artım 38,2% təşkil edib.
Azərbaycanın regionlarında da göstərilən rabitə xidmətlərinin həcmi artıb. Quba-Xaçmaz iqtisadi rayonunda xidmətlərin artımı 29,9%, Şirvanda 25,8%, Şəki-Zaqatalada 26,2%, Aranda 24,7%, Naxçıvanda 51%, Lənkəranda 30,2%, Abşeronda 21,9%, Gəncə-Qazaxda isə 22,7% təşkil edib.
Yanvar-oktyabr ayları ərzində rabitə sahəsində çalışanların sayı 21,8 min nəfər təşkil edib.