Azərbaycan, Bakı, 10 iyul / Trend , müxbir H.Vəliyev /
"Azərbaycan Əmək və Əhalinin Sosial Müdafiəsi Nazirliyinin (ƏƏSMN) korporativ şəbəkəsinin yaradılması üzrə işlər başa çatıb", - cümə günü Trend -a Smart Systems Technology şirkətinin marketinq meneceri Sübhan Qaragöz deyib.
Onun sözlərinə görə, nazirliyin fəaliyyətinin avtomatlaşdırılması layihənin ikinci mərhələsi çərçivəsində aparılıb. Layihə buraxılış gücü 128 Kbit/s olan korporativ şəbəkənin yaradılmasını, regional və paytaxt mərkəzlərinin nazirliyin artıq mövcud şəbəkəsinə qoşulmasını nəzərdə tuturdu.
"Nazirliyin şəbəkəsinin avtomatlaşdırılması işləri 2006-cı ildən aparılır", - Qaragöz deyib. Layihənin birinci mərhələsi (2006-2007-ci illərdə realizə edilib) nazirliyin regional ofislərinin mərkəzi ofisə qoşulmasını nəzərdə tuturdu. İkinci mərhələ 2008-ci ilin sonunda başlayıb. Layihə Dünya Bankının xətti ilə realizə edilib.
Hazırda Əmək və Əhalinin Sosial Müdafiəsi Nazirliyi tərəfindən portalın yaradılması, maliyyə proqramının təminatını və b. nəzərdə tutan tender elan edilib.
Məqalə müəllifi ilə əlaqə ünvanı: [email protected]