Azərbaycan, Bakı, 18 avqust / Trend , müxbir Q.Vəliyev /
Rabitə və İnformasiya Texnologiyaları Nazirliyinin Məlumat Hesablama Mərkəzi AzDATACOM milli internet infrastrukturunun 3 və 4-cü mərhələsinin istismara verilməsi üzrə işlər həyata keçirir, bu barədə Azərbaycanın rabitə və informasiya texnologiyaları nazirinin müavini İltimas Məmmədov Yeni Azərbaycan Partiyasının rəsmi saytında dərc edilmiş müsahibəsində bildirib.
Nazir müavininin sözlərinə əsasən, hazırda şəbəkəyə Sahil qəsəbəsi qoşulub, Ələt və Şirvan, Salyan, Biləsuvar, Cəlilabad, Masallı, Lənkəran, Astara rayon mərkəzlərini birləşdirən Bakı-Astara istiqamətində xətt istismara verilib. Yevlax-Şirvan istiqamətində şəbəkə Bərdə, Ağcəbədi, Beyləqan, İmişli, Saatlı, Sabirabad və Şirvan rayon mərkəzlərini birləşdirir.
Hazırda digər rayonların da şəbəkəyə qoşulması üzrə işlər həyata keçirilir.
İşlər "Elektron idarəetmə şəbəkəsi üzrə milli təşəbbüslər" layihəsi çərçivəsində həyata keçirilir.
Şəbəkənin buraxılış qabiliyyəti 10 Qbit/s təşkil edir ki, bu da elektron hökumətin müasir alətlərinin (e-commerce, distansiyon təhsil, elektron səhiyyə və s.) inkişafına imkan verir, eyni zamanda Azərbaycanda "rəqəmsal partlayış"ın aradan qaldırılması üçün imkan yaradır.
Məqalə müəllifi ilə əlaqə ünvanı: [email protected]
