Azərbaycan, Bakı, 15 sentyabr / Trend , müxbir H.Vəliyev /
Azercell Telecom MMC Gəncədə yeni xidmət mərkəzi açmağı planlaşdırır, bu barədə Trend -a şirkətin mətbuat xidmətindən bildirilib.
Yeni mərkəz abunəçilərə mobil rabitə xidmətlərinin geniş spektrından istifadə etməyə imkan verəcək. İlkin məlumatlara əsasən, mərkəz oktyabrıdan fəaliyyətinə başlayacaq.
Xidmət Mərkəzində müştərilər mobil rabitə xidmətləri üzrə müqavilələr imzalaya, əlavə servislər qoşa, hesabını artıra, ixtisaslı mütəxəssislərin mobil rabitəyə dair hər bir mövzu üzrə məsləhətlərindən yararlana bilərlər.
Yeni xidmət mərkəzinin açılması bu regionda Azercell Telecom rabitəsi istifadəçilərinin sayının artmasına xidmət edəcək.
Bu kimi genişmiqyaslı mərkəz respublikada ikinci olacaq. İlk belə mərkəz Bakıda açılıb. Hazırda bütün respublikada Azercell Express ofisləri fəaliyyət göstərir.
Mərkəzlərin yaradılmasında məqsəd abunəçilərə xidmətlər kompleksinin təqdim edilməsi, sürətli və effektiv servisin təmin edilməsi və abunəçilərin operatora inamının möhkəmləndirilməsidir.
Məqalə müəllifi ilə əlaqə ünvanı: [email protected]
