Azərbaycan, Bakı, 5 avqust /Trend, müxbir Q.Vəliyev/
"Adobe Systems" şirkəti və İT şirkəti "Ultra" elektron sənədlərin uzaqdan öyrənilməsi və emalı sahəsində məhsulların irəliləməsinə istiqamətlənən bir neçə layihəni işə salmaq niyyətindədir. Bu barədə cümə axşamı Trendə "Ultra" şirkətindən bildiriblər.
Hazırda şirkət qarşısında duran prioritet istiqamətlərdən biri - tədarük sazişi ötən ilin sonunda imzalanmış "Adobe LiveCycle ES" və "Adobe Connect Professional" həllərinin irəliləyişidir.
"Adobe LiveCycle ES" həlli sənədlərin hazırlanması və yaradılması, eləcə də onların razılaşdırılması və emalı prosesi üçün nəzərdə tutulub. Proqram kağız işini xeyli azaltmaqla və normativ tələblərin yerinə yetirilməsinə nəzarəti təmin etməklə, işgüzar informasiyanı tam emal etməyə imkan verir.
"Adobe Acrobat Connect Pro" həlli istənilən istifadəçi üçün xüsusi hazırlıq keçmədən və xüsusi proqramlar quraşdırılmadan "online" rejimində yığıncaq, işgüzar görüşlər, seminarlar, təqdimat və treninqlərin keçirilməsinə imkan verir.
"Adobe" proqramının irəliləməsi üçün "Ultra" şirkəti tərəfdaş kanal vasitəsilə bütün mümkün üsullardan istifadə etməyi planlaşdırıb.
"Adobe Systems" şirkətinin "Silver Partner" statusunun olması "Ultra" şirkətinə müştərilərin tələbatlarına əsasən bu həllərə yeni modifikasiya və əlavə modulları tətbiq etməyə imkan verir.
Şirkət gələcəkdə bu həllərin Azərbaycan dilində lokallaşdırılmasını müzakirə edir.