Azərbaycan, Bakı, 27 avqust /Trend, müxbir Q.Vəliyev/
Azərbaycanın "Sinam" İT şirkəti turizm sahəsində geoinformasiya sistemi yaradılması üzrə işi başa çatdırmaq üzrədir. Bu barədə Trend-ə SİNAM şirkətinin biznesin inkişafı üzrə direktoru İslam Əhmədov deyib.
Əhmədovun sözlərinə görə, sistemin yerləşəcəyi İnternet-portalın yaradılması üzrə işlər başa çatmaq mərhələsindədir.
"Hazırda sistem uğurla sınaqdan keçirilib və onun ilin sonunadək tam fəaliyyət göstərəcəyi gözlənilir", - Əhmədov qeyd edib.
Geoinformasiya layihəsi axtarış sistemi istifadəçilərinə İnternet şəbəkəsi vasitəsilə turizm obyektləri barədə daha ətraflı məlumat əldə etməyə imkan yaradacaq. Sistem İnternet şəbəkəsi bazasında fəaliyyət göstərəcək.
Layihə çərçivəsində virtual bazanın yaradılması nəzərdən keçirilir. Məlumatlar bazası ilə iş zamanı əməliyyatları birləşdirəcək virtual baza mükəmməl vizualizasiya üstünlükləri ilə yaradılacaq.
Layihədə yerlərin müəyyən edilməsi üzrə qlobal sistemdən (GPS - Global Position System) istifadə ediləcək. Bütün turizm obyektləri GPS terminalları ilə təchiz ediləcək, bu isə öz növbəsində, turizm obyektlərinin koordinatlarını və yerləşməsini dəqiqliklə müəyyən etməyə imkan yaradacaq.
Layihənin sifarişçisi Mədəniyyət və Turizm Nazirliyidir. Əsas vəzifə informasiya sisteminin təqdim edəcəyi imkanların bütün həcmdə gündəlik istifadəsini təmin etməkdir.
Hazırda GPS-sistem bütün fəaliyyət istiqamətlərində - təhsil, biznes, ekologiya, hərbi, kənd təsərrüfatı, tikinti, faydalı qazıntıların işlənməsi, hasilatı və s. - geniş yayılıb. Turizm sahəsində geoinformasiya texnologiyalarının tətbiqi ölkənin, ayrı-ayrı turizm və ekskursiya maşrutlarının cəlbediciliyini artıracaq.
Bundan əvvəl, Əhmədovun dediyinə görə, bütün turist obyektləri GPS sistemi ilə təchiz ediləcək ki, bu da onların yerləşmə koordinatlarını dəqiq müəyyənləşdirməyə imkan verəcək.
Hazırda geoinformasiya sistemi ekologiya, hərbi, kənd təsərrüfatı, tikinti sahələrində, faydalı qazıntıların işlənməsi, hasil edilməsində və s. istifadə olunur. Geoinformasiya sisteminin turizm sahəsində tətbiqi respublika və ayrı-ayrı turist-ekskursiya marşrutlarının turist cəlbediciliyini artıracaq.
