Azərbaycan, Bakı, 23 noyabr / Trend müxbir E.İsmayılov/
Çərşənbə günü Azərbaycanın "Ata Texnologiya" və Sloveniyanın "Adacta" şirkəti informasiya texnologiyaları sahəsində birgə fəaliyyət haqqında müqavilə imzalayıblar.
Müqaviləni "Ata Texnologiya"nın direktoru Mais Yusifov və "Adacta" şirkətinin rəhbəri Tomas Volk imzalayıblar.
Müqaviləyə görə, ilkin mərhələdə xüsusi təminat proqramlarının birgə hazırlanması və tətbiqi, sığorta sahəsində biznes proseslərinin avtomatlaşdırılması nəzərdə tutulur.
Həmçinin yerli və regional bazarların tələblərinə uyğun yeni məhsulların birgə hazırlanması tətbiqi də təklif edilir.
Proqram təminatının tətbiqi 2012-ci ildə planlaşdırılır.
Yusifovun sözlərinə görə, başlıca məqsəd istehlakçılara xüsusi proqram təminatı təklif etməkdir.