Azərbaycan, Bakı, 25 iyun /Trend, müxbir Hüseyn Vəliyev/
Azərbaycan və Gürcüstan sərhədyanı ərazilərdə istifadə edilən CDMA standartlı rabitə kanallarının növbəti monitorinqinin keçirilməsinə başlayıblar. Bunu çərşənbə günü Trend-ə Dövlət Radiotezliklər İdarəsindən (DRİ) deyiblər.
DRİ-dən qeyd ediblər ki, işlər dava əvvəl iki ölkənin rabitə administrasiyaları arasında imzalanmış protokol əsasında Azərbaycan və Gürcüstanın CDMA operatorlarının iştirakı ilə 1 həftə ərzində aparılacaq.
İmzalanan saziş sərhədyanı ərazilərdə radiotezlik spektrinin istifadəsinin sadələşdirilməsini və radioelektron vasitələri tərəfindən mümkün maneələrin azaldılmasını nəzərdə tutur.
Qeyd edək ki, hər iki ölkə eyni baza stansiyalarından və eyni tezlik resurslarından istifaə edir ki, bu da maneələr yaradır. Tərəflər CDMA standartlı rabitə xidməti göstərmək üçün 800 meqahers tezlik spektrindən bərabərhüquqlu istifadə edirlər.
