Bakı. Hüseyn Vəliyev - Trend:
Azərbaycanın "Online Group" startap-şirkəti səhiyyə sahəsində sosial layihəni tətbiq edib. Bunu Trend-ə layihənin rəhbəri Fərid Fərhadov deyib.
Söhbət hazırda "Play Market" və "App Store" əlavələr mağazasında əlçatan olan "Doctormap" mobil əlavəsindən gedir.
İstifadəçilər əlavənin vasitəsilə Bakı və Sumqayıtın 20-dən artıq klinikasında müalicə və ya müayinəyə endirimlərin verilməsi üçün istifadə olunan pulsuz elektron kartlar ala biləcəklər.
Əlavənin funksiyası istifadəçini hansı müalicə müəssisələrinin pulsuz diaqnostika kampaniyası keçirdiyi barədə məlumatlandırır.