...

Azərbaycan IT-texnologiyaları CeBIT-2006 beynəlcxalq sərgisində iştirak edəcək

Telekommunikasiya Materials 28 Yanvar 2006 14:02 (UTC +04:00)

Azərbaycan martın 9-dan 15-nə kimi Hannoverdə keçiriləcək IT texnologiyalarının yaradılması və tətbiqi üzrə illik beynəlxalq CeBIT-2006 sərgisində iştirak edəcək. Bu barədə Trend ə Rabitə və İnformasiya texnologiyaları Nazirliyinin mətbuat xidmətindən məlumat verilib.

Dövlət strukturundan bildirilib ki, bu məqsədlə Nazirlikdə ölkənin İT-nın nümayəndələri ilə sərgi ilə bağlı məlumat verilməsi və yerdi kommunikasiya və informasiya texnologiyaları (KİT) şirkətlərinin sərgidə iştirakına cəlb edilməsi üçün görüş keçirilib.

Görüşün gedişində CeBIT təşkilat komitəsinin nümayəndəsi Nərminə Əliyeva bildirib ki, Azərbaycan 10 şirkətin nümayəndələrindən təşkil olunmuş nümayəndə heyəti ilə iştirak edəcək. Hazırda sərgidə iştirak edəcək şirkətlərin dəqiq siyahısının hazırlanması üzrə iş aparılır. Azərbaycana sərgidə 100 kv metrlik sahə ayrılıb.

2005-ci ildə Azərbaycan "Rəqəmsal dünyanın həlli üçün" (Solutions for a Digital World) devizi altında keçirilən CeBIT 2005 sərgisində ilk dəfə iştirak edib və burada Sinam Ltd şirkəti tərəfindən təmsil olunub.

Dövlət strukturundan bildirilib ki, sərgidə ümumilikdə dünyanın 60 ölkəsindən 3 min şirkətin iştirakı gözlənilir. Sərgi 3 tematiikaya bölünüb. Birinci bölmədə sənəd dövriyyəsinə, müəssisələrin, heyətin idarə olunmasına, təhlükəsizliyin təmin olunması və autsorsinqə həsr olunan bütün proqram məhsullar nümayiş etdiriləcək. Sərginin ikinci bölməsi rəqəmsal avadanlıqlara və rəqəmsal sistemlərə, rəqəmsal fotoşəkillərə həsr olunub. Üçüncü bölmə özündə kommunikasiya bağlı məhsulları əks etdirəcək.

Ümumilikdə 2006-cı ildə CeBIT 2006 sərgisinə 650 mindən artıq adamın baş çəkəcəyi gözlənilir. Ötən il bu göstərici 475 minə çatmışdı ki, bu iştirakçıların 50 %-dən çoxu Avropa Birliyi üzvü olan ölkələrin, 24,3 % Asiya dövlətlərinin, 4,6 % -i Şərqi Avropa, 24,3 %-i isə digər Avropa ölkələrinin və digərlərinin payına düşür.

Xəbər lenti

Xəbər lenti