Azərbaycan, Bakı, 03 noyabr/ Trend , müxbir Ü.Sadıqova/ İsrail - Fələstin münaqişəsi İsraildə turizmin inkişafına mənfi təsir göstərir və bununla əlaqədar, Fələstin hökumətini regionda bu sahənin birgə inkişafına cəlb etmək lazımdır.
"Son illərdə İsrail ərəb turistlərin Fələstin regionuna cəlb edilməsində maraqlıdır", - İsrailin Turizm Nazirliyi Cənubi və Mərkəzi Avropa Departamentinin direktoru Yahuda Şen Trend -a bildirib.
2002 - ci ildə ikinci intifad və 2006-cı ildə ikinci Livan - İsrail müharibəsi zamanı İsrail turist axınının 70 faizini itirib.
"Heç kəs həftədə iki dəfə partlayışın baş verdiyi ölkəyə səfər etmək istəmirdi. Bununla əlaqədar, İsrail hökuməti turizmin bərpası üçün fələstinliləri cəlb etməyə başlayıb", - Şen bildirib.
Bu gün Qüdsdəki və Qərb Sahilinin bəzi rayonlarındakı Fələstin turoperatorları ilə iş göstərir ki, siyasətdən fərqli olaraq, turizm xalqlar və ölkələr arasında körpüdür, - israilli məmur hesab edir.
"İsrail Fələstin hökumətini Yaxın Şərq regionunun da daxil olduğu Dünya Turizm Təşkilatının (World Tourism Organization) fəaliyyətinə cəlb etmək istəyir. Bunun üçün Fələstin Muxtariyyəti turoperatorlarının hazırlanması ilə məşğul oluruq", - Şen bildirib.
O əlavə edib ki, yeddi il əvvəl ölkələr yalnız danışıqlar və atəşkəs haqqında düşünürdülərsə, bu gün regionda turizmin birgə inkişafının yaxşı perspektivlər var.
"Qaçqınlar, təhlükəsizlik, sudan istifadə problemləri və danışıqların gələcək taleyi yeni problemlər doğurursa, turizm İsrail və Fələstinə münaqişəni müvvəqqəti unutmaq və birgə iş aparmaqda kömək edir", - Şen bildirib.
Müəlliflə əlaqə saxlamaq üçün elektron ünvan: [email protected]
