Azərbaycan, Bakı, 7 mart / Trend, müxbir A.Tağıyeva /
Fransa millətçi partiyası - Fransa Milli Cəbhəsinin lideri Marin Le Pen ölkə hakimiyyətini əvvəlcə 1954-1962-ci illər müharibəsi zamanı Əlcəzairdə törətdikləri vəhşilikləri tanımağa, daha sonra "erməni soyqırımı"nın tanınması haqqında düşünməyə çağırıb. Trend-in məlumatına görə, bu barədə CNN Turk telekanalı məlumat verib.
"Fransızlar onlar tərəfində döyüşən əlcəzairlilərə qarşı pis münasibətlərini də etiraf etməlidirlər" - Le Pen deyib.
Fransa Konstitusiya Şurası qondarma "erməni soyqırımı"nın inkarına görə cinayət məsuliyyətini nəzərdə tutan qanunu ləğv edib. Şura söz və ifadə azadlığına zidd olduğunu əsas gətirərək bu qanunu ləğv edib.
