Azərbaycan, Bakı, 18 iyun /Trend/
Ermənistan Gömrük İttifaqına özünün tanıdığı sərhədlər çərçivəsində qoşulacaq. Bunu Ermənistanın dövlət başçısı Serj Sarkisyan Ermənistan İctimai Televiziyasına müsahibəsində bildirib. Bu barədə Trend "ARKA" agentliyinə istinadən xəbər yayıb.
Qazaxıstan Prezidenti Nursultan Nazarbayevin Astanada verdiyi bəyanatı şərh edən S.Sarkisyan onun bir çoxları üçün nəyə görə gözlənilməz olduğuna təəccübləndiyini deyib.
Mayın 29-da Nursultan Nazarbayev Astanada Ali Avrasiya İqtisadi Şurasında deyib ki, İttifaqın əsasnaməsi BMT-nin tanıdığı beynəlxalq sərhədlər çərçivəsində Ermənistan ərazisinə şamil edilməlidir.