Azərbaycan, Bakı, 16 dekabr /Trend, müxbir Təmkin Cəfərov/
İranın Kürdistan əyalətində səfərdə olan səhiyyə naziri Həsən Haşiminin başçılıq etdiyi nümayəndə heyətini daşıyan avtomobil qəzaya düşüb.
Trend-in İranın Fars agentliyinə istinadən verdiyi məlumata görə, Sənəndəc şəhərindən əyalətin şimal bölgəsinə gedərkən kortejdəki avtomobillərdən biri Divandərə şəhəri yaxınlığında qəzaya uğrayıb.
Hadisə nəticəsində avtomobildə olanlardan biri ölüb, 5 nəfər isə yaralanıb. Yaralılar Divandərə şəhər xəstəxanasına çatdırılıblar. Onların vəziyyətinin ağır olduğu bildirilir.
Yaralılar arasında Səhiyyə Nazirliyinin Kürdistan əyaləti üzrə Tibb Universitetinin prorektoru Fərzam Bidarpur da var.