Bakı. Rufiz Hafizoğlu - Trend:
Moskvanın Türkiyəyə ünvanladığı təcavüzkar bəyanatlar Ankaranı məyus edir. Trend-in "TRT Haber" telekanalına istinadən verdiyi məlumata görə, bunu Türkiyə Prezidenti Rəcəb Tayyib Ərdoğan deyib.
Onun sözlərinə görə, Ankara və Moskva strateji tərəfdaşdırlar, lakin bu o demək deyil ki, Rusiya Türkiyə sərhədlərinin toxunulmazlığı prinsipinə hörmət etməməlidir: "Bütün dünya Türkiyənin mövqeyinin ədalətli olduğunu tanıyır".
R.T.Ərdoğan Moskvanın guya özünün Türkiyəni islamlaşdırmaq istəməsi bəyanatını da təkzib edib: "Türkiyə əhalisinin 99 faizi müsəlmandır və Rusiya bunu bilməlidir. Rusiya hakimiyyətinə belə bəyanatlar yaraşmır".