Bakı. Rufiz Hafizoğlu - Trend:
Türkiyə məlum insidentlə əlaqədar Rusiyadan üzr istəməyəcək. Trend-in "TRT Haber" telekanalına istinadən verdiyi məlumata görə, bunu Türkiyə Prezidenti Rəcəb Tayyib Ərdoğan deyib.
Onun sözlərinə görə, əksinə, Rusiya Türkiyədən üzr istəməlidir.
Xatırladaq ki, RF Prezidenti Vladimir Putin Türkiyənin Rusiyadan üzr istəməli olduğunu bildirmişdi.
Qeyd edək ki, Türkiyə Hərbi Hava Qüvvələrinin Rusiyaya məxsus "Su-24" qırıcı təyyarəsini vurmasından sonra iki ölkə arasında münasibətlər pisləşib.
