Bakı. Trend:
Vaşinqton Suriyada İŞİD-ə qarşı mübarizədə Türkiyənin ABŞ koalisiyası ilə əməkdaşlığına ümid edir.
Trend-in "RİA Novosti"-yə istinadən verdiyi məlumata görə, bunu ABŞ Dövlət Departamentinin rəsmi nümayəndəsi Con Kirbi deyib.
Onun sözlərinə görə, Türkiyə NATO üzvü olaraq qalır və Suriyada İŞİD-ə qarşı əməliyyatda mühüm töhfə verməyə davam edir.
Həmçinin, Türkiyə və Rusiya arasında münasibətlərinin istiləşməsi barədə sualı cavablandıraraq, o qeyd edib ki, ABŞ bu iki dövlət arasında yaxşı münasibətləri alqışlayır.
