Bakı. Trend:
Suriyanın Əl-Bab bölgəsinin minalardan təmizlənməsi zamanı torpağa basdırılmış partlayıcı qurğunun işə düşməsi nəticəsində 2 türk hərbçi ölüb, 3-ü yaralanıb.
Bu barədə Trend Türkiyə Silahlı Qüvvələri Baş Qərargahına istinadən məlumat verir.
Yaralılar dərhal xəstəxanaya aparılıb, həyati təhlükələri yoxdur.
Qeyd edək ki, bundan əvvəl Türkiyə Silahlı Qüvvələrinin dəstəyi ilə müxalif "Azad Suriya Ordusu" tərəfindən nəzarət altına alınan Əl-Bab bölgəsində minalanmış avtomobillə terror aktı törədilib. Hadisə nəticəsində ən azı 29 nəfər ölüb.