Bakı. Trend:
Çinin cənubundakı Quandun əyalətində Çjutzyan çayında iki yük gəmisi toqquşub. Trend-in məlumatına görə, hadisə nəticəsində 12 nəfər itkin düşdüyü bildirilir.
Məlumata görə, qəzaya uğrayan gəmilərin göyərtəsində ümumilikdə 25 nəfər olub. 13 nəfər xilas edilib.
Hazırda itkin düşənlərin axtarışları aparılır.
Qəzanın baş vermə səbəbləri məlum deyil, araşdırma başlanılıb.