Bakı. Trend:
Hindistanın Qərbi Benqaliya ştatında güclü qasırğa tələfatsız ötüşməyib.
Trend-in məlumatına görə, ştatın baş naziri Mamata Banerci qasırğa nəticəsində 18 nəfərin həlak olduğunu bildirib.
Onun sözlərinə görə, ştatda 230 ev tamamilə dağılıb, güclü külək ağacları yerindən qoparıb, elektrik dirəklərini aşırıb. Qasırğadan ziyan çəkənlərə yardım göstərilməsinə başlanılıb.
Ştatın baş nazirinin sözlərinə görə, qasırğanın əhaliyə vurduğu ziyan hesablanır.