Bakı. Trend:
WhatsApp mesencerinin həmtəsisçisi və eyni adlı şirkətin rəhbəri Yan Kum vəzifəsindən istefa verib.
Trend-in verdiyi xəbərə görə, o bu barədə öz Facebook səhifəsində məlumat dərc edib.
ABŞ KİV-lərinin mənbələrə istinadla yaydığı xəbərə əsasən, Yan Kum bu qərarı Facebook şirkəti ilə fikir ayrılığı səbəbindən verib.
Qeyd edək ki, Facebook şirkəti WhatsApp-ı 2014-cü ildə 21,8 milyard dollara satın alıb.