Bakı. Trend:
Türkiyə Hərbi Hava Qüvvələri İraqın şimalında PKK terror qruplaşmasının mövqeilərinə hava zərbələri endirib.
Trend-in Türkiyə KİV-lərinə istinadən verdiyi məlumata görə, hava zərbələri nəticəsində 7 PKK terrorçusu məhv edilib.
Bundan əlavə, əməliyyatlar zamanı İraqın şimalında yerləşən Qara və Avaşin-Basyan rayonlarında terrorçuların sığınacaqları və hərbi sursat anbarları məhv edilib.
Xatırladaq ki, Türkiyə ilə müstəqil kürd dövlətinin yaradılmasına çalışan PKK arasında münaqişə 25 ildən çoxdur davam edir və 40 mindən çox insanın həyatına son qoyub.
PKK BMT və Avropa İttifaqı tərəfindən terror təşkilatı kimi tanınıb.