Bakı. Trend:
Rusiyada Çuvaşiya respublikasının cənubunda qara yağış yağıb.
Trend-in məlumatına görə, yağışdan sonra evlərin pəncərələrində, avtomobillərdə qara ləkələr qalıb.
Sinoptiklər sakinləri sakitləşdirərək bu yağışın təhlükəli olmadığını bildiriblər. Qeyd edilib ki, qara yağışa Rusiyanın mərkəzi hissəsində güclü külək səbəb olub. Külək nəticəsində toz burulğanları yaranıb və yağışa qarışaraq yerə çöküb.
Qara yağış Mordoviya və digər vilayətlərdə də müşahidə olunub.